Аинформациатә ныҟәарақәа

Аԥсны атәылауаҩратә уаажәларратә еиҿкаарақәа ҿиаларазы Ацентр «Апроспект» CSSPапрограмма иалагӡаны аинформациатә ныҟәарақәа шьақәнарӷәӷәеит. Арҭ аныҟәарақәа хықәкыс ирыман Аԥсны атәылауаҩратә уаажәларратә еиҿкаарақәа рымчхара аҿиаразы иманшәалоу аҭагылазаашьақәа раԥҵареи, егьырҭ аҳәынҭқаррақәантә рколлегацәеи дареи рԥышәа еиҭныԥсахлареи, насгьы Аԥсны атәылауаҩратә уаажәларратә еиҿкаарақәа рыҩныҵҟа иҿиаларазы агәазҭаҵара.

Абҵарамза 2017 ш. раԥхьатәи атәылауаҩратә уаажәларратә еиҿкаарақәа рзы аԥышәа еиҭныԥсахратә ныҟәара Ермантәылаҟа еиҿкаан. Ауаажәларратә еиҿкаара «Евразиа Алахәыларатә Фонд» (EPF) иамоу аԥышәа ду иабзоураны адкылара еиҿкааҩыс иалхын. EPF– Ермантәыла еицырдыруа, еиужьоу алахәыларатә ԥҳа змоу еиҿкаароуп.

Аинформациатә ныҟәара алахәцәа.

Ари аныҟәара рхы аладырхәеит жәеиза атәылауаҩратә уаажәларратә еиҿкаарақәеи абжьгаратә гәыԥқәа рхаҭарнакцәеи Аԥсны хә-регионк рҿынтә. Уи ирхыԥхьаӡалан ԥытраамҭактәи ЕАРАА (ПРООН) алахәуларатә еиҿкаарақәеи, ҿыцла иаԥҵаз атәылауаҩратә уаажәларратә еиҿкаарақәеи еиуеиԥшым абжьгаратә гәыԥқәеи Аԥсны атәыла ҿацәқәа рҟынтә. Алахәцәа агендертә зҵаарқәа шьҭызхуа, агәабзиарахьчара аекспертцәа, аҿар рыҿиара иадгылоу, аҵарадырра знапы алаку уаауп. Аныҟәара иалахәыз аиҿкаарақәа ирхыԥхьаӡалан Аԥсны еиуеиԥшым аҿацәқәа рҿы ахаҭарнакрақәа змоуи, аҵаралашаратәи аинформациатәи усура знапы алаку атәылауаҩратә уаажәларратә еиҿкаарақәеи, насгьы рхатә хаҭарнакратә центрқәа аартразы алшареи амчхареи змоу еиҿкаарақәа. Еилаӡара хадас адырра ҿыц адкылареи, аинформациеи аԥышәа аиҭныԥсахлареи ракәын иҟаз.

Аныҟәара Ермантәылатәи ауаажәларратә еиҿкаарақәа рԥышәа аҭҵаара акәын хықәкы хадас иамаз. Еиҳа ирҵауланы иҭҵаау аԥышәа Аԥсны атәылауаҩратә уаажәларратә еиҿкаарақәа амчхара аҿиареи иара ахадаратә хырхарҭақәеи аиҿкаарақәа иҭышәынтәалоу рыҿиараҿы аҵак ду иамоу реилнаркаауеит. Хә- мыштәи аныҟәара иалагӡаны Ацентр «Апроспект» агәыԥи Аԥсныти атәылауаҩратә уаажәларратә еиҿкаарақәа рхаҭарнакцәеи ироуеит алшара EPFацентреи егьырҭ Ермантәыла еицырдыруа атәылауаҩратә уаажәларратә еиҿкаарақәа рҭаара. Уаҟа Ермантәылатәи рколлегацәеи дареи рԥышәа еиҭнырԥсахлартә еиԥш алшара рыман. Агәыԥ ахаҭарнакцәа асеминарқәа рхы аладырхәеит, насгьы ароект «ДеПо» иалагӡаны аус зуа арегионалтә центрқәа ԥшьба ирҭааит.

Аинформациатә ныҟәара алахәцәа еиуеиԥшым ауаажәларратә еиҿкаарақәа ирҭааит:

  • «Евразиа Алахәыларат Фонд»;
  • «Ермантәыла асоциалтә усуцәа реилахәылара»;
  • «Армавир аҿиаразы ацентр»;
  • Ермантәылатәи ауаҩы изинқәа рыхьчаразы А. Д. Сахаров ихьӡ зху ацентр;
  • «Ацентр Ширак»;
  • «Мартуни аҳабла аҳәсақәа рхеилак».
  • Атәылауаҩратә уаажәларратә еиҿкаарақәа аҭышәынтәалараҿы EPFаԥышәа (еиуеиԥшым апрограммақәеи, агәыԥ еидкылареи, афинансқәа рыԥшаареи, егьырҭ аиҿкаарақәа аусрыцуреи уҳәа убас егьырҭгьы);
  • EPFЕрмантәылатәи атәылауаҩратә уаажәларратә еиҿкаарақәа рыҩныҵҟатәи амчхара арӷәӷәаразы рхы иадырхәоу астратегиеи амаругақәеи. Ари зегьы атәылауаҩратә уаажәларратә еиҿкаарақәа рҭышәынтәаларази, ауаа ирыдыргало амаҵзурақәа рхаҭабзиара ашьҭыхрази иҟаҵоуп;
  • Ермантәылатәи атәылауаҩратә уаажәларратә еиҿкаарақәа иреиӷьу рԥышәа. Арахь иаҵанакуеит EPF–и егьырҭ атәылауаҩратә уаажәларратә еиҿкаарақәеи ринформациатә центрқәа рҭаара. Ара атәылауаҩратә уаажәларратә еиҿкаарақәа аҿар аус рыдулашьа, аинвалидцәа руадаҩрақәа, агендертә уадаҩрақәа ҭырҵаауеит;
  • Ермантәылатәи рколлегацәа рҵаралашаратә усуреи, ауаажәларратә аҵклаԥшреи амониторингеи, асоциалтә наплакқәа аԥҵареи, насгьы иманшәалам аҭаацәақәа рҟынтә иааиуа ахәҷқәа аус рыдулареи ирызку аԥышәа.

Аныҟәара алахәцәа ирыдгалан анаҩстәи аинформациа:

Календарь событий