ЕАРАА ахаҭарнак Шомби Шарп ус иреилиркааит:

«Ҳара атәылауаҩратә еилазаара рхаҭарнакратә еиҿкаарақәа зегьы ааҳаԥхьоит. Дара еиуеиԥшым атәылауаҩратә еилазаара аусхкқәа знапы алаку еиҿкаарақәоуп. Иҳадыргалоу апроектқәа рҿы иалубаароуп ихықәку асоциалтә хәҭа».

Европатәи Ахеидкыла ахаҭарнак Ивон Гоголь ирыдкылараны иҟоу апроектқәа зеиԥшрахоу ус дрылацәажәеит:

«Ауаажәларратә еилазаарқәа ахаҭарнакратә еиҿкаарақәа апроектқәа рынагӡаразы апроблемақәеи аусхкқәеи ралкаара рхала ирылоит, насгьы ауаажәларратә еилазаара аԥсҭазаара еиӷьызтәауа апроектқәа рыдгалара рылшоит».

Аицлабра ашәҟәы иҭагалоу аиҿкаарақәа рзы ишымҩаԥгахоугьы, ауаажәларратә еилазаара иактиву рхаҭарнакцәа аԥшьгаратә гәыԥқәа аԥҵаныаиҿкаарақәа рыҽрылархәны апроектқәа рхы аладырхәыр рылшоит.

Ауаажәларратә Еилазаара Адгыларатә Програрамма (CSSP) ахантәаҩцәа ргәы иаанагоит Аԥсны атәылауаҩратә уаажәларратә еиҿкаарақәа аус активла ишыруа. Насьгьы игәыӷуеит атәыла араионқәа зегьы ахаҭарнакцәа Апрограмма рхы шаладырхәуа, рыпроектқәагьы шхәарҭахо.