Ҳара иҳазку

ЕАРААи (ПРООН) Европатәи Ахеилаки рфинанстә цхыраарала ауаажәларратә еикаара иацхраауа апрограмма (CSSP) аԥҵан. Апрограмма хықәкы хадас иамоуп ауаажәларра аԥсҭазаара активла зхы алазырхәо, насгьы ишақәнагоу ауаажәларра агәаҟрақәа аҭак рызҭо, алҵшәа бзиа змоу атәылауаҩратә хәҭа аԥҵароуп. Апрограмма аусура шьаҭас иамоу аҭыԥынтәи аҭагылазаашьақәа ирықәыршәаны иаԥҵоу аусмҩаԥгатә Стратегиеи Аихшанҵеи роуп.

Апрограмма хықәкылатәи агәҭакқәа рахь иахыԥхьаӡалахоит:

  • Атәылауаҩратә уаажәларратә еиҿкаарақәа русура алҵшәагьи есымшатәи азҵаарақәа еффективла рыӡбареи ашьҭыхразы рымчхара арӷәӷәара;
  • Атәылауаҩратә уаажәларратә еиҿкаарақәа аԥсҭазаарамчхареи аҭышәынтәалареи атәылауаҩратә уаажәларратә еиҿкаарақәа рыбжьара аимадареи аусуреи арӷәӷәара абзоурала;
  • Атәылауаҩратә уаажәларратә еиҿкаарақәа ауаа ринтересқәеи ргәаҟрақәеи ирықәшәо еиуеиԥшым аԥшьгарақәа рхы алархәра адгылара.

Убри аҟнытә CSSPиалагӡаны аумҭа хырхарҭакны иаартхеит Ацентр «Апроспект». Ацентр «Апроспект» - зҵакыра ҭбаау, еиуеиԥшым ауаажәларратә еиҿкаарақәа рзы иаарту хыҵхырҭатә ҵакырадгьылоуп. Арахь иаҵанакуеит кыраамҭа аус зуа еиҿкаарақәагьы, ҿыцла иаԥҵазгьы, иаԥҵахараны иҟоу, аха макьана иаԥҵам еиҿкаарақәагьы, насгьы абжьгаратә гәыԥқәеи аиндивидуалтә активистцәеи.

Ацентр «Апроспект» ҳаамҭазтәи адҵақәа ирықәшәоу, ибзианы маругала еиқәыршәоу ҭыԥуп. Ацентр еиуеиԥшым астол гьежьқәеи, аӡыргарақәеи, аиԥылырақәеи аконференциақәеи рымҩаԥгаразы иманшәалоуп. Ацентр иреиҳау хаҭабзиараны иамоу амариареи хкырацәалатәи ахархәареи роуп. Ацентр амаругатәи ахадаратәи лшарақәа мҩақәҵоуп ауаажәларратә еиҿкаарақәа ирымоу амчхара, реиҿкааратжи рнапгаратәи ԥышәеи рыҿиарахь.

Календарь событий